今晚剧情讲到花曼(王君馨饰) 终于解开段折缰(何启南饰) 死前遗下的符号，得知杨竹銮(欧瑞伟饰) 就系幕后黑手，所以独自到钵仔糕厂调查。期间遇上甲辰(张颕康饰) 带领的*手，对方人多势众又武功高强，花曼当然不敌！
虽然拳佬及时赶到帮忙，但依然救唔到伤重的妹妹，兄妹难得重遇，咁快又阴阳相隔…
王君馨日前接受访问，重提呢场戏都忍唔住喊咗出嚟！佢话谂起都好伤心，因为花曼临死一刻望住阿哥，希望佢唔好走自己的旧路，唔好为帮自己复仇而走上不归路；同时又唔想阿哥好似自己以前咁，孤伶伶一人过生活，感情非常复杂。君馨回想起自己当时演呢场戏时，都非常伤心，一边讲一边啜泣！
