（十二）
麻雕子，尾巴长，
讨了老婆唔认娘，
娘是路边草，
还是老婆好，
娘是路边青，
还是老婆亲，
娘要酒，哪里有，
娘要肉，割不脱，
老婆要肉割精肉，
娘要钱，手沙沙，
老婆要钱大把抓。
（注：唔认娘即不认娘）
（十三）
冇爷冇婽蛮可怜，
灶前梳头哥哥骂，
屋里梳头嫂嫂嫌，
哥嫂嘚，
唔要嫌，
烦再带捱三五年，
等到人家来讨捱，
银子花边找饭钱。
（注：捱即我；找饭钱即还饭钱）
（十四）
麻雕嘚,飞过河，
冇爷冇婽跟哥哥，
哥哥喊挨食饱饭，
嫂嫂嫌挨食得多，
嫂啊嫂 勿要骂，
再过两年涯会嫁，
嫁得哪里，
嫁到南安石桥下，
又有田 又有岭，
锁子有带家有当，
一工三餐有饱饭。
（此童谣有多个版本，有嫁到郭屋坝的，有嫁到枫树下的....哪里好就嫁到哪里）
（十五）
瘌疤瘌疤，
跌下桥下，
桥下一枚肋，
毒得瘌疤哦妹妹，
妹妹唔买嗯，
提起癞疤一蹬。
（注：肋即荆棘；唔买嗯即不答应）
