（二十八）
洗脚婆子喃啊喃，
喃到院里开眼井，
开又开唔顺，
各咛去卖针，
卖针难数钱，
各咛去做田，
做田会爆尺，
各咛去做客，
做客会输本，
卤粉会卤断，
各咛去打砖，
打砖会打烂，
各咛去讨饭，
讨饭难蒯筒，
各咛去推砻，
推砻会黑衫，
各咛去做垵，
做垵难做嘴，
各咛去栽菜，
栽菜会黄叶，
各咛去打铁，
打铁会火烧，
各咛去打雕，
打雕雕会飞，
各咛捡起家什，
来去归----
（二十九）
烟烟，
烟过那（nian）边，
这（gai）边冇肉又冇钱，
那边猪肉鱼子泡腌，
（注：捻边即那边；该边即这边）
（三十）
烟烟，
烟上天，
天上一朵云，
飘得过河舷（xian），
河舷（xian）一朵花，
飘得进庙下，
庙下冇米煮，
饿死俩该哑佬牯，
（注：河舷即河沿）
（ 三十一）
麻雕子，
飞过河，
嘀嘀哒哒讨老婆，
有钱讨该黄花女，
冇钱讨该癞痢婆，
麻雕子，
扎壁飞，
冇爷冇婽蛮咭（qia）亏，
冇床歇，
歇墙头，
冇被盖，
盖芒头，
冇崽摁，
摁石头，
（注：扎壁飞即沿着墙壁飞；咭亏即吃亏；）
