粤语系我嘅母语，粤语有自己嘅语系，有自己嘅文字，今日用粤语写几句。
啱先出街，听到几个后生女讲嘢，佢哋话，有啲女人年纪大佐，仲着得咁后生，真是睇唔过眼，乜嘢年纪就着乜嘢衫，着太后生就系作妖，年纪大咗就唔好孭背囊啦，孭个老人包咪得啰，如此种种。
靓女，你真系咁睇唔过眼咩。唔通你想你阿妈五六十岁着得似个七八十岁咩。
我想讲，年纪大都可以扮靓嘅啫，年纪大咗就必须要着老年衫咩，咁咪仲老啰。着得年轻啲人都精神啲后生啲啦，边个唔想靓架。
依家好多衫从廿几岁到四五十岁都可以着，而且依家嘅女人又唔系似得五六十年代个时，要风吹日晒系田间耕种，特别系城市嘅女人，保养得好，即使五六十岁都显得好年轻嘅，打扮时尚啲，人地睇得舒服，自己开心啲，有乜唔好呢？只要唔系鬼五马六就Ok啦。我都着得好后生架，因为我都钟意自己靓啲咯。
依家好多后生细仔都唔识讲粤语喇，特别系细蚊仔，系屋企都讲普通话。唔似得潮汕人，即使系外面讲咩话，翻到屋企都讲潮汕话。
粤语，真系要好好传承落去先得，若果唔系，到下两代就真系冇人识讲喇。
你哋话系定唔系呢？
你哋话呢？有冇识睇粤语文字嘅朋友呢
图片来自网络
